科和隨筆

Miki Leung

Miki Leung

中文大學心理系畢業生,於2019年考獲ABH催眠治療師牌照。興趣是旅遊和寫作,希望能學以致用,透過文章推廣精神健康和心理學知識。

令你做咩都事半功倍嘅簡單小測試!

事半功倍–小測驗

香港人壓力大,但未必每個人都負擔到傳統心理輔導或者治療。如果你想用簡單的方法助己助人,催眠、NLP、冥想都係近年新興改善精神健康嘅方法,但對於好多人嚟講可能有d陌生,以下係我哋經常收到嘅問題⋯⋯

「NLP?冥想?催眠?有無用㗎?係未有宗教成分?」

一連三篇,我哋會用小遊戲同測試介紹比大家聽,呢三樣嘢究竟係咩?

NLP,係一套小技巧,當中部分技巧是將傳統心理學理論,簡化成容易運用於生活中的小秘訣,令我們更輕易達到目標,改變壞習慣。例如,NLP將人類分為三種VAK類型,視覺型(V)、聽覺型(A)、動覺型(K),了解自己嘅VAK類型後,可以搵到更有效同更適合自己嘅方法學習,學習事半功倍!同時,當知道人哋嘅VAK類型後,可以用更適合佢嘅方式同佢溝通,改善關係。

你可以透過簡單的測試搵出自己的VAK類型:http://www2.amk.fi/…/kauppa_ja_t…/demand_forecasting/vak.php
(此測試為英文版,想做中文版測試的讀者,可於搜尋器搜尋「VAK測試」)

測試結果解說:

視覺型(Visual)

學習篇:視覺型嘅人利用視覺工具幫助學習時會事半功倍,例如圖表、充滿顏色同符號嘅筆記、有資訊性嘅圖片,突出嘅圖像同顏色(例如用唔同顏色highlight重點)能夠達到加深記憶嘅效果。如果希望有更好嘅學習效果,可以用睇片嘅方法嚟學習,例如係一啲網上嘅教育動畫~
溝通篇:佢哋偏好視覺化唔同嘅訊息,當你有嘢想表達比視覺型嘅人知,你可以寫memo、畫圖⋯⋯你可以整多啲靚嘅卡、圖片去表達你嘅感受同想法比佢哋知,亦可以喺講嘢嘅時候多用顏色同形容視覺嘅詞語,例如當你推銷一個旅遊景點時,你可以講「你睇吓呢個地方幾靚?你睇吓啲建築幾靚⋯⋯」你可以多用手勢同示範,避免用太長嘅文字表達。

聽覺型(Auditory)

學習篇:聽覺型嘅人對聲音好敏感,好容易受背景嘅噪音影響,因此需要寧靜嘅環境先可以專心學習。佢哋喺聆聽同表達方面比較強,適合透過聆聽講解/討論嘅形式學習,而且當佢哋用自我對話(self-talk)同將要記憶嘅內容讀出嚟嘅方法學習,會更加有效。學習新嘅知識/技巧時,如果將重點整理成文字,再將文字讀出嚟然後錄低,將來需要溫故知新嘅時候播番出嚟聽,會達到最好嘅效果~
溝通篇:用唔同嘅聲調,節奏去表達你嘅訊息,亦可以加入更多嘅擬聲語,例如「落雨落到嘩啦嘩啦咁⋯⋯」同時,我哋可以更多引用其他人講嘅嘢或者引用一啲聲音類嘅資料,例如係「今日嘅天氣報告話『今日會落大雨,間中會有陽光』」。

動覺型(Kinesthetic)

學習篇:動覺型嘅人成日坐唔定,可能會比較鍾意,或者擅長啲比較重視實踐嘅工作~用角色扮演、現場示範、做實驗、玩遊戲、做手工藝等方式學習會有更好嘅效果。要背誦時,可以做出相應嘅肢體動作幫助記憶,或者將要背誦嘅內容落手預演一次。動覺型嘅人模仿能力十分強,當有人從旁示範,再比動覺型嘅人模仿一次,就可以達到最好嘅學習效果~
溝通篇:佢哋比較重視感受同體驗。我哋推銷一樣嘢比佢哋嘅時候,可以比佢試用、親身體驗產物。講嘢嘅時候,可以多用感受類嘅詞語,例如「我感覺到⋯⋯」、「呢個地方令人好舒服」、「呢個會係一個xxxx的體驗,令你感受到⋯⋯」
NLP嘅技巧,可以透過提升我哋嘅自信,改善我哋壞習慣等等改善我哋精神健康同工作能力。於是我哋近來推出咗個集催眠、冥想、NLP三合一嘅MNH(Mindfulness Meditation-NLP-Hypnotherapy)精神健康課程,但就成日收到呢個問題:
「點解偏偏要將呢三樣野合埋一齊?」

其實,喺芸芸嘅精神健康技巧/治療法中,催眠、冥想同NLP都係相對比較容易執行嘅精神技巧,比較容易達到助人助己嘅效果。今次講完咩係NLP,想知咩係催眠可以睇番我哋上一篇文章,而最後,咩係冥想呢?記住留意之後嘅文章啦!

更多有關MNH課程資料:https://void.com.hk/mnh%E8%AA%B2%E7%A8%8B%E7%B0%A1%E4%BB%8B/

提升記憶力–VOID
讓你記憶力急升的兩個小方法

科和隨筆 讓你記憶力急升的兩個小方法 工作也好,學習也好,記憶力是關鍵,能在短時間內記憶大量資訊才能事半功倍。比起死記爛背,聰明人記東西可是有他們自己的方法:組塊(Chunking)和睡眠。  

《失戀的心理學:沒事,你會比你想像中痊癒得快》

科和隨筆 《失戀的心理學:沒事,你會比你想像中痊癒得快》 上兩篇都在寫甜甜的戀愛心理學,今天我們來談談失戀吧! 朋友A上個月又失戀了,作為一個心理系畢業生,我跟她說:「沒事的,你很快會好起來⋯⋯」