科和隨筆

Miki Leung

Miki Leung

中文大學心理系畢業生,於2019年考獲ABH催眠治療師牌照。興趣是旅遊和寫作,希望能學以致用,透過文章推廣精神健康和心理學知識。

《拍拖的心理戰術(下)!》

拍拖戰術–VOID
#編按:嚟緊呢兩篇希望可以更有趣,所以會教大家點樣係拍拖上運用心理學知識,請大家不帶批判,純粹以欣賞輕鬆小品嘅角度睇故事!
上集傳送門: https://www.facebook.com/…/a.185554865139…/2178469229101869/
我係阿欣,雖然我唔係讀心理學,但陪阿希溫書溫得多,我有時都識用下d心理戰術⋯⋯最近好難得先keep fit成功,去沙灘影咗d好靚嘅泳衣相,好想用嚟做pro pic,但阿希一定會話:「唔准!」
*得寸進尺法(英語:Foot-in-the-door technique)是一種通過先提出一個簡單的小請求來說服被勸說者同意一個較大請求的勸說方法。
 
我:「阿希,我好想比大家見到我減肥嘅成果啊~」
阿希:(扮聽唔到)
我:(繼續講)「好難得影到一輯咁靚嘅相!」
阿希:(繼續扮聽唔到)
我:「喂你有無聽緊我講㗎?」
阿希:「嘩係喎!真係好靚喎!」
我:「⋯⋯」
阿希:「⋯⋯」
我:「咁呢⋯⋯我可唔可以post係ig story啊?你諗下,大家都可以見到你有個咁靚嘅女朋友喎!」
阿希:「⋯⋯」
我:「你唔會咁小器嘅~」
阿希:(心諗:ig story 都係維持一日啫。)「唉好啦好啦。」
我:「我幾時都話你最大方㗎啦!」
過咗一日之後。
我:「阿希,唔知點解呢⋯⋯個ig story好似無咩人睇到,我可唔可以轉埋propic?」
阿希:「⋯⋯」
我:「你唔會咁小器嘅~」
阿希:「好⋯⋯囉。」
 
阿希好勉強咁答應咗,呢種情況係未似曾相識?你有無試過明明唔想做某件事,但開唔到口拒絕?得寸進尺法運用人對一致性(consistency)嘅需求,亦啫係我哋希望自己係別人眼中係言行一致,同帶有固定立場。所以對阿希嚟講,佢答應咗第一個要求,會令人覺得佢唔太反對「女朋友放泳衣相上social media 」,所以當我提出第二個要求嘅時候,佢好有可能係咁諗:「雖然我都唔想佢咁做,但之前佢話擺相上ig我話ok好似好大方咁,而家突然咁小氣好似怪怪地咁⋯⋯咁唯有應承啦。」
#編按:比起點樣用呢兩種方法說服人,大家更加要留意自己幾時跌入咗陷阱,因為呢兩個心理戰術而答應咗自己唔願意做嘅事。其中一個方法就係將會一個要求都睇成獨立要求,唔好同其他要求比較,選擇答應要求時要單獨衡量自己對對該要求嘅感覺!
 
Reference: Chan, A. C.; Au, T. K. (August 2011). “Getting children to do more academic work: Foot-in-the-Door versus Door-in-the-Face”. Teaching and Teacher Education. 27 (6): 982–985. doi:10.1016/j.tate.2011.04.007.
 
小別勝新婚–VOID
「小別勝新婚」的哲學

科和隨筆 「小別勝新婚」的哲學 讓人又愛又恨的「習慣」 「習慣化」(Habituation)是指人類由於習慣了重複發生的刺激,因而有反應弱化的結果。一直以來夢中的女神終於成為了自己的女朋友,以前看到她的臉總是心兒呯呯亂跳,現在竟然變得沒有甚麼特別感覺,好像愈看愈普通(?)情侶之間——明明我們當初是那樣的一對天作之合,跟他在一起總是幸福滿滿,現在的感情卻變得比水還淡。但習慣有時候也是好的啊,伴侶的壞脾氣和缺點,一開始的時候是多麼的難以忍受,時間久了好像也不是甚麼大事,也是可以接受的……

事半功倍–小測驗
令你做咩都事半功倍嘅簡單小測試!

科和隨筆 令你做咩都事半功倍嘅簡單小測試! 香港人壓力大,但未必每個人都負擔到傳統心理輔導或者治療。如果你想用簡單的方法助己助人,催眠、NLP、冥想都係近年新興改善精神健康嘅方法,但對於好多人嚟講可能有d陌生,以下係我哋經常收到嘅問題⋯⋯ 「NLP?冥想?催眠?有無用㗎?係未有宗教成分?」