科和隨筆

Miki Leung

Miki Leung

中文大學心理系畢業生,於2019年考獲ABH催眠治療師牌照。興趣是旅遊和寫作,希望能學以致用,透過文章推廣精神健康和心理學知識。

《拍拖的心理戰術(上)!》

拍施大劫–VOID
#編按:嚟緊呢兩篇希望可以更有趣,所以會教大家點樣係拍拖上運用心理學知識,請大家不帶批判,純粹以欣賞輕鬆小品嘅角度睇故事!
 
我叫阿希,心理學系畢業。話說一日激嬲女朋友阿欣十萬次嘅我,因為讀心理學,有一兩招心理戰術防身,避過咗好多大劫。
 
例如講番起有一次,想同班朋友出去飲酒睇世界盃⋯⋯
 
「吓?你又唔陪我啊!」我就梗係估到女朋友會咁講,咁就當然唔會直接問啦。
 
*以退為進法(door-in-the-face technique)勸說者通過提出一個會被拒絕的離譜要求來讓被勸說者同意第二個較為合理的請求。
 
我:「呃⋯⋯你知啦,一年一度嘅世界賽又就到啦。」
阿欣:「你想點啊?直接講啦。」
我:「阿強阿德話想約我下個星期呢係佢哋屋企留宿一齊睇世界賽!」
           阿欣:「⋯⋯」(火焰燃燒中)
阿欣:「啫係成個星期都陪唔到我?」
我:「係啊,哈⋯⋯」
           阿欣:「⋯⋯」
我:「⋯⋯」
阿欣:「你無野啊?為咗睇世界賽成星期唔陪我?到底打機重要定我重要啊依家!你咁鍾意打機不如同部電腦結婚啦⋯⋯(下刪一萬字)」
我:「你冷靜d先⋯⋯咁⋯⋯既然你咁唔想我去,我就留低陪你囉!我只係去一晚好無?」
阿欣:「算你啦<3」
 
其實邊有咩留宿啊,講咗留宿先,再話其實只係去一晚,咪即刻風平浪靜囉。以退為進法,因為提出第一個離譜嘅要求一定會被對方拒絕,而令到對方會有內疚嘅感覺,當你提出第二個合理要求嘅時候,對方亦會覺得你有讓步而答應該要求。所以第二個要求要喺第一個要求後立即提出,因為對方嘅內疚指數喺呢個時候係最高嘅。
 
Reference:

Cialdini, R.B.; Vincent, J.E., Lewis, S.K., Catalan, J., Wheeler, D., & Darby, B. L. Reciprocal concessions procedure for inducing compliance: the door-in-the-face technique.. Journal of Personality and Social Psychology. 1975, 31: 206–215..
 
小別勝新婚–VOID
「小別勝新婚」的哲學

科和隨筆 「小別勝新婚」的哲學 讓人又愛又恨的「習慣」 「習慣化」(Habituation)是指人類由於習慣了重複發生的刺激,因而有反應弱化的結果。一直以來夢中的女神終於成為了自己的女朋友,以前看到她的臉總是心兒呯呯亂跳,現在竟然變得沒有甚麼特別感覺,好像愈看愈普通(?)情侶之間——明明我們當初是那樣的一對天作之合,跟他在一起總是幸福滿滿,現在的感情卻變得比水還淡。但習慣有時候也是好的啊,伴侶的壞脾氣和缺點,一開始的時候是多麼的難以忍受,時間久了好像也不是甚麼大事,也是可以接受的……

心理測試–催眠
一個簡單測試,知道你易唔易被催眠!

科和隨筆 一個簡單測試,知道你易唔易被催眠! 香港人壓力大,但未必每個人都負擔到傳統心理輔導或者治療。如果你想用簡單嘅方法助己助人,催眠、NLP、冥想都係近年新興改善精神健康嘅方法,但對於好多人嚟講可能有d陌生,以下係我哋經常收到嘅問題⋯⋯ 「NLP?冥想?催眠?有無用㗎?係未有宗教成分?」