科和隨筆

事半功倍–小測驗

6個提高「說服力」的秘密

科和隨筆 6個提高「說服力」的秘密 說服你的父親讓你參加他不准你去的遊學團、說服你的女友讓你晚上跟朋友去喝酒、說服你的客人買下你推銷的產品、說服你的老闆採用你的構思⋯⋯   說服力,在日常生活中的重要性隨處可見。   有些人天生有很強的說服力,無論他說甚麼你也會被牽著走,不知不覺說了聲「好」或「是」。後天其實我們也能提高自己的說服力,以下是6個提高「說服力」的秘密:   1)互惠性 簡單來說,互惠性就是「既然你幫了我,我也有責任要幫你。」 例如,在某些餐廳裡,服務員在帶帳單給你時,會帶多一顆糖果,這時候客人一般都會更願意給服務員更多的小費。執行「互惠性」的策略有兩個秘訣:「個人化」「額外的」,例如說:「別人都只有一顆糖果,但既然是你(個人化),我決定給你兩顆(額外的)。」 這時候的小費應該會提升好幾倍。   現實生活中,如何讓客人更容易購買我們的產品?為他們提供「本來沒有,但特地為你而設」的免費試用吧,他們會更覺得有義務要幫你購買產品呢~   2)稀有性 人類都喜歡稀有的東西,有沒有試過在超級市場裡,看到貨架上只剩下一兩件的貨品會特別想買?因為人的天性,比起「渴望得到」,更加「害怕失去」。在看到稀有的東西時,我們會不期然想:「它這麼稀有,我現在不要,過了這次,也許我就永遠失去擁有它的機會了!」 因此,無論是推銷產品,或是在人際關係上把人(你自己)當成產品去推銷,你必須強調你/產品的稀有性。   換句說話說,稀有性等於「你有多獨特」。緊記強調你要說服別人做的東西的獨特性,下次可以跟女友說:「今晚這個朋友剛從英國回來,不知道甚麼時候再有機會跟他喝酒了⋯⋯」   3)權威性 人類會無條件地相信權威。我不是叫你去編個假的專業資格,而是在你已有的資格上面,好好利用並表現你專業的一面。如果你開公司,把你的專業證書都掛在跟客人會面的房間裡;穿著有「專業感」的西裝;找個你跟客戶之間的中間人,讓他在介紹你時先把你所有的專業資格和資歷⋯⋯   試著跟你的父親說:「這個舉辦遊學團的機構是由一個非常有名的教育家創立的。這個教育家曾經(有以下的成就)⋯⋯」即使你的父親不立即點頭答應,至少他會覺得這遊學團聽起來還不錯,說不定會改變主意⋯⋯   4)一致性 我們總想讓自己表現得一致。如果我今天說自己支持改善海洋生態的計劃,明天我自然不會想推翻自己說過的話。因此我會變得更有動力去做出改善海洋生態的行為,例如到海灘執拾垃圾⋯⋯ 當我們想說服變人做一個重大改變時,也許不太容易。我們想要說服某人每星期吃一次素食,也許他會心想:「這麼麻煩,還是算了吧。」   如果此時,我們給他一個小的要求:「能不能拍一段影片支持素食?」 假如他願意,那就離成功說服他一星期吃一次素不遠了~因為他會覺得自己既然已表態支持素食,身體力行吃素也是他應該要做的事!   想說服潛在客戶給你留個聯絡電話之前,不妨先從小要求做起,叫他幫你填個簡短的服務意見調查問卷,再在問卷的最後一部份加一欄空白位置讓他填下他的電話號碼!   5)喜歡 你喜歡一個人,自然比較容易被他說服。那⋯⋯我們要怎樣提高別人對我們的好感度呢?   i)   共同/相似性:人們愈多相似的地方,他們之間愈會有互相的好感 iii) 讚美:人們會更喜歡讚美他們的人 iii) 合作:人們會更喜歡跟他們合作、朝著共同目標前進的人   6) 共識   簡單說,就是羊群心理~在說服別人做某件事時,例如餐廳希望你減少使用飲管,他們也許會說:「根據我們的紀錄,90%的客人都會選擇『走飲管』。」   愈多人做某個行為,你就會愈容易被說服做相同的事。   想說服你的朋友跟你去某個派對,你可以說:「我們班的誰、誰跟誰都會去啊⋯⋯難道你不去嗎?」   …

6個提高「說服力」的秘密 Read More »

放榜前一日18歲嘅Client話:「我係好大壓力,但我唔可以唔行出嚟。」 ​

科和隨筆 放榜前一日18歲嘅Client話:「我係好大壓力,但我唔可以唔行出嚟。」 呀欣(化名)係我client,啱啱DSE畢業,18歲。佢由6月開始就走上前線,直到依家,佢都係去哂每一個集會同遊行。我見咗佢幾個月,佢由DSE開始前已經有焦慮嘅症狀,會咬指甲咬到半塊指甲甩出嚟,更加出現咗腸胃焦慮症嘅症狀,成日會肚痛/腹瀉。 612,佢第一次依催淚彈,佢話嗰種感覺好辛苦,好似就嚟死咁。 然後佢就成日發惡夢。 7月9日,DSE放榜嘅前一日,佢約咗我見面,進行催眠治療。 佢話佢覺得好大壓力,但大壓力唔係因為放榜,唔係因為驚入唔到心儀嘅學系/大學,而係因為佢覺得好無助,但佢由呢場運動開始到而家,都無流過一滴眼淚。 進行催眠治療嘅時候,我哋身體會進入一個更加放鬆嘅狀態,而呢種狀態會允許我哋同潛意識溝通。好多時候,我哋會無意識地將一啲想法同情緒壓抑喺潛意識入面,但壓抑唔代表我哋解決咗呢啲情緒,呢啲情緒仍然會影響我哋,例如發惡夢、突如其來嘅驚恐等等。透過催眠,我哋可以同潛意識溝通,處理、釋法呢啲情緒同想法。 呀欣坐咗喺度,佢跟住我嘅指示,慢慢咁調節呼吸,慢慢進入深度放鬆嘅催眠狀態。 嚟到呢度,我見到阿欣喊咗出嚟。 「你慢慢話比我聽,你見到啲咩,諗起啲咩?」我講。 「我見到啲人係咁大叫『走呀!』,前面有個催淚彈出緊煙,後面大家好似癲咗咁走⋯⋯」呀欣一路講一路喊。 「你有咩感覺?」我問。 「我覺得好無助,我哋只係想要我哋應有嘅自由,點解啲大人唔幫我哋,仲要鬧我哋?同埋我⋯⋯我覺得好驚,萬一有咩事,仲有邊個會幫我,邊個會幫到我?」呀欣愈喊愈大聲,但釋放咗呢啲眼淚,對佢嚟講係好事。 呀欣講咗好多喺呢場運動入面見到嘅野,有人中槍、有人中咗催淚彈之後哮喘發作、有人比人用棍打⋯⋯每個畫面都好令人心寒,我想像唔到眼前呢個揹住個Melody背囊嘅少女,經歷咗咁多可怕嘅事。佢仲係個小朋友,唔應該要承受呢啲事。 「你而家幻想,你所有嘅恐懼同焦慮,變成咗一舊烏雲。然之後我每數一聲,呢舊烏雲都會變細十分一。」我同佢講。 「1」 「2」 「3」 ⋯⋯ 數到十,我叫呀欣深呼吸,然後慢慢帶佢離開催眠狀態。 佢張開番雙眼之後,我同佢傾咗一陣,終於見到佢放鬆咗一啲,我哋終於可以傾一啲「正常」嘅野––一個「正常」中學生會諗嘅野:grad trip去咗邊度玩、將來想過點樣嘅生活、想番咩工⋯⋯ 之前嘅治療,佢話佢想做護士。我同佢傾下將來嘅生活,佢講到佢好想做白衣天使幫人,佢講到佢嚮往嘅護士袍,佢終於久違地笑咗一笑。 佢走嘅時候,我望住佢嘅背影,我知我幫唔到佢太多,只可以幫佢清理一啲壓抑咗喺潛意識入面嘅情緒同陰影,然後等佢繼續有力量去再面對之後嘅事。 JUPAS錄取結果8月5日公布,阿欣Whatsapp我話佢入到心儀大學嘅學系,我問佢心情有無好啲,佢話有,但聽日都係要出去。 身在香港嘅小朋友要面對嘅唔只係公開試,而係催淚彈甚至係子彈;佢哋要擔憂嘅唔只係入唔入到自己想入嘅大學,而係會唔會被捕,為咗追求佢哋應得嘅自由而斷送前途。 佢只係個小朋友,但每次出去都要擔心自己番唔番到屋企。諗到呢度我個心痛咗一痛,我只可以用Whatsapp覆佢一句「加油」。 *根據臨床催眠治療師之保密原則,文章中沒有披露任何個案的個人資料,個案亦經一定程度修改。 *插圖與人物完全無關

事半功倍–小測驗

令你做咩都事半功倍嘅簡單小測試!

科和隨筆 令你做咩都事半功倍嘅簡單小測試! 香港人壓力大,但未必每個人都負擔到傳統心理輔導或者治療。如果你想用簡單的方法助己助人,催眠、NLP、冥想都係近年新興改善精神健康嘅方法,但對於好多人嚟講可能有d陌生,以下係我哋經常收到嘅問題⋯⋯ 「NLP?冥想?催眠?有無用㗎?係未有宗教成分?」 一連三篇,我哋會用小遊戲同測試介紹比大家聽,呢三樣嘢究竟係咩? NLP,係一套小技巧,當中部分技巧是將傳統心理學理論,簡化成容易運用於生活中的小秘訣,令我們更輕易達到目標,改變壞習慣。例如,NLP將人類分為三種VAK類型,視覺型(V)、聽覺型(A)、動覺型(K),了解自己嘅VAK類型後,可以搵到更有效同更適合自己嘅方法學習,學習事半功倍!同時,當知道人哋嘅VAK類型後,可以用更適合佢嘅方式同佢溝通,改善關係。 你可以透過簡單的測試搵出自己的VAK類型:http://www2.amk.fi/…/kauppa_ja_t…/demand_forecasting/vak.php (此測試為英文版,想做中文版測試的讀者,可於搜尋器搜尋「VAK測試」) 測試結果解說: 視覺型(Visual) 學習篇:視覺型嘅人利用視覺工具幫助學習時會事半功倍,例如圖表、充滿顏色同符號嘅筆記、有資訊性嘅圖片,突出嘅圖像同顏色(例如用唔同顏色highlight重點)能夠達到加深記憶嘅效果。如果希望有更好嘅學習效果,可以用睇片嘅方法嚟學習,例如係一啲網上嘅教育動畫~ 溝通篇:佢哋偏好視覺化唔同嘅訊息,當你有嘢想表達比視覺型嘅人知,你可以寫memo、畫圖⋯⋯你可以整多啲靚嘅卡、圖片去表達你嘅感受同想法比佢哋知,亦可以喺講嘢嘅時候多用顏色同形容視覺嘅詞語,例如當你推銷一個旅遊景點時,你可以講「你睇吓呢個地方幾靚?你睇吓啲建築幾靚⋯⋯」你可以多用手勢同示範,避免用太長嘅文字表達。 聽覺型(Auditory) 學習篇:聽覺型嘅人對聲音好敏感,好容易受背景嘅噪音影響,因此需要寧靜嘅環境先可以專心學習。佢哋喺聆聽同表達方面比較強,適合透過聆聽講解/討論嘅形式學習,而且當佢哋用自我對話(self-talk)同將要記憶嘅內容讀出嚟嘅方法學習,會更加有效。學習新嘅知識/技巧時,如果將重點整理成文字,再將文字讀出嚟然後錄低,將來需要溫故知新嘅時候播番出嚟聽,會達到最好嘅效果~ 溝通篇:用唔同嘅聲調,節奏去表達你嘅訊息,亦可以加入更多嘅擬聲語,例如「落雨落到嘩啦嘩啦咁⋯⋯」同時,我哋可以更多引用其他人講嘅嘢或者引用一啲聲音類嘅資料,例如係「今日嘅天氣報告話『今日會落大雨,間中會有陽光』」。 動覺型(Kinesthetic) 學習篇:動覺型嘅人成日坐唔定,可能會比較鍾意,或者擅長啲比較重視實踐嘅工作~用角色扮演、現場示範、做實驗、玩遊戲、做手工藝等方式學習會有更好嘅效果。要背誦時,可以做出相應嘅肢體動作幫助記憶,或者將要背誦嘅內容落手預演一次。動覺型嘅人模仿能力十分強,當有人從旁示範,再比動覺型嘅人模仿一次,就可以達到最好嘅學習效果~ 溝通篇:佢哋比較重視感受同體驗。我哋推銷一樣嘢比佢哋嘅時候,可以比佢試用、親身體驗產物。講嘢嘅時候,可以多用感受類嘅詞語,例如「我感覺到⋯⋯」、「呢個地方令人好舒服」、「呢個會係一個xxxx的體驗,令你感受到⋯⋯」 NLP嘅技巧,可以透過提升我哋嘅自信,改善我哋壞習慣等等改善我哋精神健康同工作能力。於是我哋近來推出咗個集催眠、冥想、NLP三合一嘅MNH(Mindfulness Meditation-NLP-Hypnotherapy)精神健康課程,但就成日收到呢個問題: 「點解偏偏要將呢三樣野合埋一齊?」 其實,喺芸芸嘅精神健康技巧/治療法中,催眠、冥想同NLP都係相對比較容易執行嘅精神技巧,比較容易達到助人助己嘅效果。今次講完咩係NLP,想知咩係催眠可以睇番我哋上一篇文章,而最後,咩係冥想呢?記住留意之後嘅文章啦! 更多有關MNH課程資料:https://void.com.hk/mnh%E8%AA%B2%E7%A8%8B%E7%B0%A1%E4%BB%8B/

活在當下

津巴多時間觀測試––測試下你係咪活在當下?

科和隨筆 津巴多時間觀測試––測試下你係咪活在當下? 香港人壓力大,但未必每個人都負擔到傳統心理輔導或者治療。如果你想用簡單的方法助己助人,催眠、NLP、冥想都係近年新興改善精神健康嘅方法,但對於好多人嚟講可能有d陌生,以下係我哋經常收到嘅問題⋯⋯ 「NLP?冥想?催眠?有無用㗎?係未有宗教成分?」 我哋今次會講吓剩番嘅––冥想係咩? 靜觀冥想其實係無宗教成分㗎! 唔知你有無試過明明做緊一樣嘢,但個腦就飄咗去回憶過去、計劃將來⋯⋯令到你專心唔到做嘢?我哋無法活在當下,無法好好享受當下嘅平靜同快樂,絕對會影響我哋嘅心理質素同精神健康。大家可以試下做呢個測試,睇吓你究竟係未活在當下? 津巴多時間觀測試: https://types.yuzeli.com/survey/ztpi66 測試結果: 時間觀可細分為六種,每一種時間觀都會導致唔同嘅行為同世界觀,分別係: 1. 積極過去 2. 消極過去 3. 宿命現在 4. 享樂現在 5. 未來 6. 超未來 詳細嘅結果解析,讀者可以喺網上面搜尋「津巴多時間觀測試」,呢度篇幅有限,我哋就抽其中比較重要嘅部分出嚟解釋啦~ 喺呢度,我想同大家解釋吓「消極過去」同「未來」嘅得分。 有人指出咗六個時間觀入面嘅最佳得分,亦即係你呢個時間觀嘅分數有幾高係最好嘅呢? 「消極過去」嘅最佳得分係2.1分,而「消極過去」指嘅嘢,就係指你會唔會成日諗起過去唔開心嘅嘢,一而再咁折磨自己?過咗2.1分,可能係你太容易沉溺喺過去唔開心嘅嘢到。 而「未來」嘅最佳得分係3.69,識得計劃將來係好事,但一旦過咗3.69呢個分數,你可能係將太多嘅心力放咗喺將來到,導致你無法好好享受當下嘅快樂,真正咁活在當下⋯⋯ 無論係「消極過去」定「未來」,得分太高都唔係好事,代表你無法好好活在當下!透過冥想,我哋可以練習活在當下,更深刻咁體驗當下嘅快樂,而唔係比過去嘅痛苦同未來嘅計劃帶走咗,亦因此,冥想係改善精神健康,一個好有效嘅方法。科學研究亦證實,透過冥想,可以帶來減少壓力、增強正向思考、改善睡眠等效果!於是我哋近來推出咗個集催眠、冥想、NLP三合一嘅MNH(Mindfulness Meditation-NLP-Hypnotherapy)精神健康課程,但就成日收到呢個問題: 「點解偏偏要將呢三樣野合埋一齊?」 其實,喺芸芸嘅精神健康技巧/治療法中,催眠、冥想同NLP都係相對比較容易執行嘅精神技巧,比較容易達到助人助己嘅效果。想知咩係催眠同NLP?可以睇吓我哋之前關於催眠同NLP嘅兩篇文章!

心理測試–催眠

一個簡單測試,知道你易唔易被催眠!

科和隨筆 一個簡單測試,知道你易唔易被催眠! 香港人壓力大,但未必每個人都負擔到傳統心理輔導或者治療。如果你想用簡單嘅方法助己助人,催眠、NLP、冥想都係近年新興改善精神健康嘅方法,但對於好多人嚟講可能有d陌生,以下係我哋經常收到嘅問題⋯⋯ 「NLP?冥想?催眠?有無用㗎?係未有宗教成分?」 一連三篇,我哋會用小遊戲同測試介紹比大家聽,呢三樣嘢究竟係咩? 首先講吓成日被妖魔化的催眠,催眠喺電視劇入面比人講到好似係啲好神怪嘅嘢,成日見到人無啦啦比人催眠咗,你究竟容唔容易比人催眠呢? 我哋可以玩個小遊戲,叫催眠敏感度測試: 1)首先將兩隻手打開並伸直,水平咁放喺心口前面,然後合埋雙眼。 2)幻想你左手綁住一個輕氣球,一個向天上飄嘅氣球。你可以幻想個氣球嘅外表,諗下個氣球係咩色? 3)幻想你右手綁住一本好重嘅書,幻想本書係咩嘅樣?佢係咩色嘅書?書嘅封面寫住啲咩? 4)你感受到你左手嘅氣球好輕好輕,將你嘅左手向上拉,右手嘅書好重好重,愈來愈重,將你嘅右手向下拉⋯⋯ 5)當你覺得你準備好嘅時候,可以打開雙眼,睇吓你雙手嘅位置。 測試結果: 如果你左手同右手嘅距離好遠,證明你對催眠十分敏感,代表你接受催眠時,更加容易進入深度放鬆嘅狀態,去進行催眠療程,改善情緒困擾等等嘅問題。如果你左手同右手仍然接近水平,代表你比較難催眠,進行催眠療程時,可能需要額外嘅時間或者特別方法先進入到催眠狀態! 其實,「催眠」狀態下,被催眠者唔係真係進入咗「睡眠狀態」,而係進入深度放鬆狀態,藉此釋放壓抑嘅情緒困擾同透過同潛意識對話,達到減壓同改善情緒嘅效果。心理學有一個概念,叫心理防禦機制,指我哋意識上會想將唔好嘅情緒同想法隔離,達到自我保護嘅效果。而其中一個方法就係壓抑我哋嘅情緒,到潛意識入面,等我哋唔需要去面對佢⋯⋯透過催眠嘅放鬆狀態,我哋可以繞過防禦機制,去感受、釋放同處理呢啲負面嘅情緒。 催眠都有科學為本嘅基礎支持,證明透過催眠可以達到減痛、減肥等效果。 有見及此,我哋近來推出咗個集催眠、冥想、NLP三合一嘅MNH(Mindfulness Meditation-NLP-Hypnotherapy)精神健康課程,但就成日收到呢個問題: 「點解偏偏係呢三樣嘢合埋一齊?」 其實,喺芸芸嘅精神健康技巧/治療法中,催眠、冥想同NLP都係相對比較容易執行嘅精神技巧,比較容易達到助人助己嘅效果。今次講完咩係催眠,想知咩係NLP同冥想?記住留意之後嘅文章啦! *更多有關MNH課程資料:https://void.com.hk/mnh課程簡介/

廣告–VOID

怎樣才算一個成功的廣告(下)?

科和隨筆 怎樣才算一個成功的廣告(下)? 上集我們提到如何把馬斯洛需求理論運用到廣告中,這次我們來談另一個常用的廣告策略––框架效應(Framing)。   框架效應(Framing effect)是一種認知偏差,指面對同一個的問題,在使用不同的描述後,人們對問題的觀感也會有所不同。名符其實,使用不同的「框架」包裝我們的說話,能帶來不同的效果。例如你想要讓大家買你公司出售的減肥產品,你可以用正面框架(Positive Framing)––將「行為」包裝成能為你「帶來」或令你「賺到甚麼」,例子如下:   「如果你減咗肥,你就可以著到d好靚嘅小背心啦~」   又或是負面框架(Negative Framing)––如果你不做這件事,你會「失去」甚麼或會有甚麼「不好」的事情發生,例子如下:   「如果你再唔減肥,到時你去同學聚會就會比人笑你肥!」   這裡哪個說法比較奏效?   研究指出,負面框架對於激發即時行動比較有效,也就是當你人已經在商店裡,前面是一貨架的減肥產品,此時負面框架能引起你強烈的情緒,讓你在一時衝動之下,買了一排減肥產品回家!   反之,正面框架不如負面框架般能激發強烈情緒,所以未必能讓人們即時產生購買的慾望。但人們對正面框架的記憶比負面框架的強,所以人們即使過了很長時間,也能記起正面框架廣告的內容、產品名字和品牌名字等。在電視上播的廣告,因為目標對象是安坐家裡看電視的人,所以目標並不是激發即時行動,而是要先讓他們記住你的品牌,他們下次購物時才會有更大的機會買你的產品。此時,正面框架就會比負面框架有效。   Reference: Advertising Psychology by Nick Kolenda https://www.nickkolenda.com/advertising-psychology/#ad-characteristics-t19 《拍拖的心理戰術(上)!》 January 14, 2019 科和隨筆 《拍拖的心理戰術(上)!》 #編按:嚟緊呢兩篇希望可以更有趣,所以會教大家點樣係拍拖上運用心理學知識,請大家不帶批判,純粹以欣賞輕鬆小品嘅角度睇故事!   心理學教會我的人生信條——「止蝕離場」 January 14, 2019 科和隨筆 心理學教會我的人生信條——「止蝕離場」   離開需要很大的勇氣 用心理學令佢對你好感度UPUPUP(一)! January 15, 2019 科和隨筆 用心理學令佢對你好感度UPUPUP(一)! 又到冬天,係戀愛嘅季節!相信男仔同女仔都有一個永恆嘅煩惱––點樣先可以令心上人鍾意我呢?用心理學可以令佢對你好感度UP!  

成功廣告–VOID

怎樣才算一個成功的廣告(上)?

科和隨筆 怎樣才算一個成功的廣告(上)? 小編小時候常常懷疑:那些公司耗資一大筆錢,換來一大版面的廣告,或是短短幾秒的電視廣告,真的對提高業績有幫助嗎? 到後來唸心理學,我才知道廣告能在不知不覺間,提升我們對產品或服務的好感度/需要,但這究竟是如何辦得到的呢? 其中一個常用而效果顯著的廣告策略,就是利用馬斯洛(Maslow)的生存需要理論。馬洛斯的理論把人的需要分為五層,最低的一層是生理需要(Physiological Needs),如吃喝睡,是維持生命必需的條件;第二層是安全需要(Safety Needs),如人身安全、安穩的生活等;第三層是社交需要(Social Needs),如對愛情、親情、友情,甚至是在團體中肆屬關係的需求,第四層是尊重需求,是指對得到尊重的需要;最高的一層,第五層,則是自我實現需求,例如發揮潛能。     透過把你的產品跟人類五大需要作連結,能夠令觀眾在不自覺地對它產生「想要」的感覺。第一幅圖是海軍的招募廣告,相比起陳腔濫調地跟你說要保衛家國,他們選擇把這包裝成一個「突破自己」的機會,正好對應自我實現需求。第二幅是洗衣液的廣告,跟「社交需要」中的「親情」作連結,用了這個洗衣液,就如媽媽溫柔地撫摸嬰兒一樣充滿愛。 心理學是一門包裝的藝術,篇幅有限,下次我們再談另一個廣告策略–框架效應(Framing Effect)。 References: Ad Strategy https://adstrategy.wordpress.com/…/maslows-hierarchy-of-ne…/ https://adstrategy.wordpress.com/page/34/ Advertisement images retrieved from https://adstrategy.wordpress.com/ Advertisements from United States Marines Corps, Dreft: Baby detergent and laundry products 獎勵不一定有激勵的作用,而且適得其反? January 14, 2019 科和隨筆 獎勵不一定有激勵的作用,而且適得其反? 很多人為了想提高其他人的行為動機,在工作上,在學習上,都會利用獎勵。這聽起來十分合理,但心理學指出這可能是錯的!為甚麼?答案是——過度辨證效應(over-justification effect)。 用心理學令佢對你好感度UPUPUP(一)! January 15, 2019 科和隨筆 用心理學令佢對你好感度UPUPUP(一)! 又到冬天,係戀愛嘅季節!相信男仔同女仔都有一個永恆嘅煩惱––點樣先可以令心上人鍾意我呢?用心理學可以令佢對你好感度UP! 《失戀的心理學:沒事,你會比你想像中痊癒得快》 January 14, 2019 科和隨筆 …

怎樣才算一個成功的廣告(上)? Read More »

我的能力–VOID

「老闆,可以信任我的能力嗎?」

科和隨筆 「老闆,可以信任我的能力嗎?」 老師都希望自己的學生品學兼優,老闆也都希望自己的員工辦事能力高。相信大家都見識過獎勵的力量(給員工加薪/給學生糖果)––但獎勵也不是萬能的,例如老師不在時,學生自然不會再努力學習,員工也會在老闆不在時偷懶。 如何能真正提高員工對工作,或學生對學習的動機呢? 畢馬龍效應(Pygmalion Effect)命名取自希臘神話故事裡面的一位名為比馬龍的雕刻家,他愛上了自己雕刻出來的女神雕像,因此每天也對著雕像說話。最後那座雕像因他的愛,變成一位真正的女神。這效應就是指一種自我實驗預言––別人對你的期望,能夠決定你最終的樣子。 曾經有人針對這效應作出研究:一些老師被告知班上某幾同學是資優兒童,然而這只是研究者瞎扯的謊言,那幾個同學也只是普通的小孩。學期完結時,他們竟然發現那幾個同學成績都比其他同學好,智力分數也有所增加! 導致這神奇的結果的原因有兩個: 1)老師們無意識的對這些小孩有更高的期望,而更認真地教導他們,令他們的表現有所提升,形成良性循環 2)小孩們被老師的期望影響,更信任自己的能力,令潛能被激發出來 在職場上也是一樣,作為老闆或上司,為了增加員工的生產力,真心地信任自己的下屬的能力,或時常以「我相信你能做到!」等句子肯定下屬的能力,一定比責罵或懲罰更有效! Reference: Rosenthal, Robert; Jacobson, Lenore (1992). Pygmalion in the classroom : teacher expectation and pupils’ intellectual development (Newly expanded ed.). Bancyfelin, Carmarthen, Wales: Crown House Pub. ISBN 978-1904424062. 《價錢牌的心理陷阱》 January 15, 2019 科和隨筆 《價錢牌的心理陷阱》 假設你在街上看到一個很漂亮的馬克杯子,想要把它買下來⋯⋯你瞥了瞥價錢牌—到底以下那個價錢牌更容易讓你把它買下來? 《戀愛心理戰–令男朋友愈來愈鍾意你》 January 15, 2019 科和隨筆 《戀愛心理戰–令男朋友愈來愈鍾意你》 我個friend叫Jaycee,有一個一齊咗兩年嘅男朋友。 「老闆,可以信任我的能力嗎?」 January …

「老闆,可以信任我的能力嗎?」 Read More »

拍拖秘訣–VOID

《戀愛心理戰–令男朋友愈來愈鍾意你》

科和隨筆 《戀愛心理戰–令男朋友愈來愈鍾意你》 我個friend叫Jaycee,有一個一齊咗兩年嘅男朋友。   佢男朋友對佢唔係幾好,所以佢經常搵我呻。雖然我男朋友對我唔差,但男同女本身就係唔同星球嘅生物,有不滿都好正常。所以佢搵親我訴苦,我都會同佢一齊大齊埋怨點解天下間嘅男朋友都咁唔體貼、咁唔浪漫、咁唔細心……   我:「喂Jaycee,今日我想讚下我BB呀~佢今日竟然驚喜買咗紮花比我!」我同Jaycee講。嗱我唔係想曬命,但我男朋友出名成碌木咁,從來都唔會做呢d浪漫野……我今日真係嚇咗嚇。   Jaycee:「嘩!要慶祝喎!」   佢做咗個好誇張嘅表情。   我:「我想話,唔好放棄希望啊~你男朋友可能都會變好呢~」   Jaycee:「唉,我想話,我尋日先陪佢打完機仲要比佢鬧,今日叫佢陪我睇戲就死都唔肯……」   我:「你又對佢咁好呀?」呢類野我雖然已經聽咗好多次,但一見到永遠都係得Jaycee單方面遷就男朋友,我都會忍唔住反白眼。   Jaycee:「喂其實你做咗咩令你男友肯變好?」   我:「有無聽過得失理論(Gain-Loss Effect)?啫係人會鍾意嗰d對自己喜愛或尊重程度愈來愈高嘅人,唔鍾意嗰d對喜愛或尊重程度愈來愈低嘅人。你鍾唔鍾意佢,並不係取決於佢對你好唔好,而係取決於由你識佢嗰日起到依家,佢究竟係對你愈來愈好定係愈嚟愈差。」   我:「我咪就係開頭對佢麻麻,然後對佢愈嚟愈好,佢咪愈嚟愈鍾意我,肯為我改囉~不過算啦,你個case,無得救。」   Jaycee:「吓,點解呀?」   我:「你一直都對佢咁好,如果你開始要求佢為你改。要求佢變好,佢只會覺得你呢個做女朋友對佢差咗,而令佢愈嚟愈唔鍾意你啊~不過都仲有其他方法可以改善你哋嘅關係嘅⋯⋯下次再教你!」   Reference:Siegman, A. W. (1974). The Gain-Loss Principle and Interpersonal Attraction in the Interview. The Gain-Loss Principle and Interpersonal Attraction in the Interview, 1(1), 83-85. Retrieved December …

《戀愛心理戰–令男朋友愈來愈鍾意你》 Read More »

價格戰–VOID

《價錢牌的心理陷阱》

科和隨筆 《價錢牌的心理陷阱》 假設你在街上看到一個很漂亮的馬克杯子,想要把它買下來⋯⋯你瞥了瞥價錢牌—到底以下那個價錢牌更容易讓你把它買下來?   A: 299 B: $299 促發效應(Priming effect),是指我們大腦內隱記憶的效應,而這個效果是指受到一種刺激 (即知覺模式)時,會影響到另一個刺激的反應。舉個例子說,如果你現在剛好看到一個醫生,不久之後我叫你舉出一個職業,當然,你很有可能會舉出醫生這個例子,但也有機會舉出護士、治療師等等的答案,因為你的大腦在看到醫生的一刻自動激活了「醫護」的概念。   應用在生活層面,我們很多時候會掉進商人精心設計的陷阱。包裝得很高級的食物,會令你先入為主對它有正面的印象,而這會影響你下一個反應:「吃完後覺得蠻好吃的……」明明食物的味道可能不怎麼樣。 也有一些餐廳,為你讓了多點幾個菜,侍應收餐桌上的碗碟收得很快—因為桌上的碗碟的促發效應會令你感覺到:「自己已經吃很多了,不可以再點了。」所以餐廳都會趕快把碟子收乾淨。   所以到底「299」和「$299」,哪一個會令你有更大的購買欲?答案是「299」。金錢的符號($)會促發「花錢痛苦效應」,也就是人類在花錢時出現的痛苦感。相反「299」則巧妙地避開了這問題,讓你心甘情願地把那杯子買下來喔!   Reference: Weingarten; et al. (2016). “From primed concepts to action: A meta-analysis of the behavioral effects of incidentally presented words”. Psychological Bulletin. 142: 472–497. doi:10.1037/bul0000030. 怎樣才算一個成功的廣告(下)? January 15, 2019 科和隨筆 怎樣才算一個成功的廣告(下)? 上集我們提到如何把馬斯洛需求理論運用到廣告中,這次我們來談另一個常用的廣告策略––框架效應(Framing)。   用心理學令佢對你好感度UPUPUP(一)! January 15, 2019 科和隨筆 …

《價錢牌的心理陷阱》 Read More »